BALIMAU

Assalamu'alaikum warahmatullahi wabarakaatuh

Ma agungkan bulan Ramadhan, dianjurkan umat muslim bapuaso di bulan Syakban dan mampadalam ilmu agamo , sahinggo dapek ba puaso sacaro bana.

“Karano itulah, ziarah kubur/balimau, nan indak di syariatkan dalam Islam, tapi kamudian dibuek buek seolah olah balimau adalah perintah dari agamo Islam. Hukumnyo adolah haram saudaraku dan ndak buliah dilakukan. Iko tradisi nan ndak di wariskan dalam Islam,, dan indak ado kaitannyo samo Ramadhan. Binasalah orang-orang yang berlebih-lebihan dalam beribadah. (HR. Muslim) …

SILATURAHIM DAN ZIARAH BULIAH DILAKUKAN KAPANPUN, NAMUN JAN DI SANGKUIKKAN JO RAMADHAN KARANO AKAN JADI HARAM HUKUMNYO, INDAK ADO HADIST NAN MAMBULIAHKAN BALIMAU, HARAM HUKUMNYO. 

Maminta Ampunan pado Allah dan minta Maaf pado manusia harusnyo dilakukan satiok kali awak babuek doso indak paralu ditunda tunda, makin capek makin elok, sebab buliah jadi wak lupo,sakik atau mati sabalun sempat maminta Ampunan dan maaf.. Akibatnyo awak mati mambaok doso kazaliman. Mako dari itu ndak salayaknyo awak manabung doso jo kasalahan salamo satahun panuah, lalu baru maminta ampunan Allah dan maaf manusia pado hari2 tarakhir bulan sya’ban .

Allah berfirman,

“Sesungguhnya taubat di sisi Allah hanyalah taubat bagi orang-orang yang mengerjakan kejahatan lantaran kejahilan, yang kemudian mereka bertaubat dengan segera, maka mereka itulah yang diterima Allah taubatnya; dan Allah Maha Mengetahui lagi Maha Bijaksana.” (QS. An-Nisa’ (4): 17)