PERBEDAAN PANGHULU JAMAN SAISUAK JO JAMAN KINI

Perbedaaan Panghulu Jaman Saisuak jo Jaman Kini

Panghulu Jaman Saisuak

 Panghulu atau Datuak harus tingga atau badomisili di kampuang

Gunonyo adolahlah untuak malintaui / maliek dan mangawasi anak kamanakan nan di bawah nauangannyo, disampiang itu supayo panghulu/datuak ko dapek  untuak shalat Jum’at di kampuang .

Ketentuan ini pun berlaku bagi para Datuak/Panghulu  nan indak kawin atau alun Pernah barumah tangga di kampuang.

Soalnyo ikolah saatnyo bisa batatap muko jo Urang kampuang/Jemaah Musajik nan lazim di bacokan Pengumuman2 keputusan2 nan lah di sahkan oleh kerapatan Adat/musyawarah Datuak/Panghulu di balerong, misalnyo tantang Pajak Nagari, Karajo Bakti atau gotongroyong, mampaelokkan banda, Irigasi, Jalan2 Jorong/hokum dan teguran kepada Pembangkang pembangkang adat dan sataruihnyo

Panghulu Jaman Saisuak salasai mangarajokan Shalat Jumat, Datuak/panghulu tersebut singgah dulu di rumah kamanakannyo, dan itu di atur sacaro bagiliran… kalo mingu iko di rumah si Rizal Rabo minggu bisuak di rumah si Hengki dan baitulah sataruihnyo..

Katantuan iko marupakan keharusan bagi para datuak/Panghulu di Minangkabau dari dulunyo

Kunjungan ka rumah kamanakan tsb dimaksudkan untuak menyampaikan Pengumuman/maklumat nan baru di lewakan atau di siarkan di Musajik, disamping itu untuak memperat hubungan antaro sang mamak dan kamanakan.

Pado kesempatan sarupoko di tanyokanlah kondisi kamanakan sarupo  baa kesehatan kamanakan tersebut keadaan ekonomi dan lain2..

Wakatu siang maliek liek, dan wakatu malam mandanga dangakan sarupo jo bunyi Pepatah urang awak :

Kamanakan barajo ka mamak, mamak barajo ka alua jo patuik, kamanakan manyambah lahia, mamak manyambah bathin.

Dan justru siang Jumatkolah kadang kaum ibu manamui angkunyo, guno malaporkan sagalo sesuatu nan manyangkuik rumah tangga sasuai jo isi taqlik Nikah, karano mamak nan basangkutan hadir, maka tuan kadhi lansuang barumbuak dan mamacahkan persoalan tsb. Tuan Kadhi indak barani mamutusi sesuatu secaro sapihak tampa adonyo rundingan jo niniak mamak satu dengan yg lain karano bapagang teguh jo undang undang nan tatulih,

Rumah bamamak tunganai, Kampuang baurang tuo, kok hati samo di cacah, hati gajah samo di lapah

Kok elok samo di pakai , tapi kok buruak samo di buang jo etongan ..

Landasan sarupokolah nan tajadi Tali bapilin Tigo : Adat Agamo dan Pemerintah.

Panghulu Jaman kini…iko nan titiak Persoalannyo ….

Panghulu/Datuak Jaman kini banyak nan pai marantau, dan Panghulu/Datuak nan baru di angkekpun banyak nan ikut ikutan maninggakan kampuang . manurut Survei  Jumlah datuak nan manatap di kampuang hanyo sebahagian ketek salabiah nyo Paii Marantau..dengan alasan Ekonomi..

Ikolah kenyataan ???

Mamak Datuak/Panghulu  maraso kurang batangguang jawab laii untuak manyilau nyilau kamanakan, nan mananyoka bara uran anak kini..baanyo laii babareh di rumah ndak ado laii doh.

Tanah paroman nan di sinan baanyo kini ..alah batagakkan pondasi ? ..

Trus manyiasati kamanakan misalnyo si farida alah cukuik umua untuak di jodohkan dan sebagainyo.

Dan di paparah laii jo masalah jual bali tanah jo mangadai indak paralu laii mupakat ..kalo lah setuju pambali jo panjua.. panghulu tingga tando tangan sajo.

Panghulu nan jaman saisuak nan baitu besar pangaruhnyo kini lah puda ..padohal ketentuan yang di maksudkan untuk mambendung kasewenang wenangan sehinggo anak kamanakan tahinda dari watak basi abih. Basitandeh, alias main jua jo main sikat sajo.

Sarupo urang baru bisa manjua mangadai setelah di tamukan 3 pakaro nan dapek mandatangi aib keluarga :

1.       Rumah gadang katirisan

2.       Gadih gadang ndak balaki

3.       Mayik tabujua dalam rumah

Kalau lah tadapek salah satu dari yg tigo itu barulah bisa dilakukan Rumah Gadang Tahan rajok, dan kabau gadang tahan tariak. Kalo alah ndak ado tampek batenggang laii lah sabana tapaso . kini nan banyak nan manjua harato pusako ko urang nan badomisili di rantau nan alasan untuk mampaelokkan rumah gadang sadngkan rumah gadangnyo se kadang ndak ado laiii.. jadi nan rumah gadangnyo ko lah jadi paruik gadang jo anak bininyo di rantau.

Jadi kini intinyo kita sebagai orang minang merindukan Panghulu nan jadi suluh bendang dalam Nagari

Mungkin Jaman kini jarang nan ka ado tapi pasti ado.. Barangkali bukan manyaruangkan baju sampik sambia banostagia sakali sakali wak baliak kabalakang. Dima adat tu ndak lapuak di hujan dan lakang dipaneh , untuak maingek ingek Jasa Panghulu nan sangat bawibawa,. Indak sajo di hadapan anak kamanakan akan tetapi di nagari sakalian wibawa tu yo bana mantap.

Awak nan jadi kamanakan maraso talinduang kendatipun niniak mamak/pangulu nan jauah badomisili di rantau , namun mentalitas teradok kamanakan di kampuang indak barubah, artinyo : sanantiaso mamparatikan kamanakan tsb. Hal tsb bisa dilakukan dengan alat komunikasi nan lah muthakhir misalnyo sajo : Telp/internet /facebook/Skype/Yahoo Masanger/google/email dan lain lain.

Kalo panghulu nan di kampuang sebaiknyo jan basibanam sajo di rumah bini..silau silau juo kamanakan tu..

Jadi nan paralu sakali jaman kini mentalitas ninikmamak tersebut untuak kamanakannyo/ jauh jo dakek ndak masalah nan pantiang sakali jan panghulu tsb Cuma ambiah namo untuak gagah gagahan… atau manarimo giliran kalo ndak sanggup agaihkan saji ka nan patuik,...