NANGKASILA EMRU

CARITO DATUAK SAWAH RANG SALAYAN
Jaman dulu ado Rang tuo di Sawahrangsalayan – Bayua nan baranak surang laki laki nan cadiak, ganteng dsb, - anak harapan rang tuo. Untuak mamanuahi harapan urg tuo , anak itu di sikolahkan ka Tarbiyah labuah Tunggang nan manampuah parjalanan kiro kiro 10 km jo bajalan kaki – untuak bisa baraja jo ulama terkenal waktu itu. Karano jauhnya perjalanan , anak itu baru bisa pulang setelah ilmu gurunyo pindah ka inyo sadonyo.

katiko nyo pulang , ayahnyo nan lah samangkin tuo manungguiinyo di muko pintu. Karano kerinduan nan lua biaso di paluaknyo anak kanduang sibirang tulangnyo kuat kuat . setelah tu ayahnyo batanyo : Aaa sajo nan la hang palajari dari guru ang tu salamo batahun tahun ..anaknyo manjawab : ambo alah di aja sado ilmu nan di punyoi guru tsb. Dan anak tu manjalehkan secaro detail… sasudah anak tu salasai manjalehkan sadonyo ..mangeceklah Ayahnyo baliak ..Guru wa ang baru bisa ma ajakan ilmu nan bisa di ajakannyo..kini ang baliak manamuiinyo baliak untuak mintaki tunjuakkan jalan Ilmu nan indak bisa inyo ajaiii….. karano anak nan patuahko baliak mandongkeang perjalanan 10 km untuak manamui gurunyo… katiko batamu jo guru si anakko manyampaikan pasan ayahnyo,.. sang guru nan tanamo di Bayua tu lansuang paham apo nan di maksudkan ayah si RR tu…..

Guru tu mangecek : Buya punyo 20 ikua kambiang sekitar bayuako,.. kini ang kumpuakan kambiang tu ang baok ka Pulau tarandam,…. Sabalun sampai 100 ikua ang jan baliak kasiko. Maka jo susah payah Pemuda yang di singkat namonyo RR mangumpuakan kambiang buya tu nan baserak serak sakuliliang rumahnyo, kambiang 20 ikua tu harus sampai ka guguak tarandam manampuah jarak labiah kurang 2,5 km…. tambah saaparampek jam babiduak satiok saat sabahagian kambiang alah bajalan katampek nan bana dan sabahagian manyebar ado nan baliak arah ka Bayua…mako paralu waktu bahari hari untuak mambaok kambiang kasadonyo ka guguak tarandam nantun.
Babulan bulan RR ndak batamu jo manusia lain, kawannyo hanyo kambiang kambiang nan inyo indak mangarati bahaso kambiang…kambiagpun indak mangarati bahaso RR tsb..setiok saatnyo rindu untuak mangecek, inyo manjadi sarupo urang gilo nan mangecek jo kambiang. Ternyato dalam kesunyian indak mangecek jo urang lain di sikolah RR mulai baraja Ilmu nan indak bisa di ajakan Guru (buya tsb) inyo berusaha memahami Alam, dima ado rumpuik, dima ado aia, dima tampek bataduah di hari angek, jo aa nyo maangekkan tubuah di waktu dingin…dsb. RR juo baraja berinteraksi jo makluk lain tampa harus mangecek, RR juo paham aa maunyo kambiang ko, dan kambiang pun paham aa maunyo (arahan dari RR tu) salamo duo tahun RR di sinan kini kambiang tu lah sampai 100 tingga baliak manuju Bayua… tapi perjalanan iko taraso labih ringan karano adonyo komunikasi tampa bicara jo kambiang tersebut… dan si pemuda telah belajar ilmu nan indak bisa di ajarkan oleh orang lain